UPPLIFÐU GUFUÁ

Einstakar upplifanir í anda hæglætis

GUFUÁ ER EINSTAKUR SVEITABÆR SEM LEYNIST Í BORGARFIRÐI

Á Gufuá fléttum við saman búskap og ferðamennsku með áherslu á núvitund. Við trúum á sjálfbærni og samspil milli manns og náttúru og þetta samspil er kjarninn í öllu sem við gerum.

BÝLIÐ

UPPLIFÐU GUFUÁ

Við bjóðum uppá þrennskonar upplifanir, þar sem þú kynnist mismunandi hliðum á sveitinni okkar fallegu. Hvort sem þú vilt hitta húsdýrin á bænum eða rölta um landnámsjörðina Gufuá á vörðugöngu með sagnaþul og kynnast sögu, sérkennum og ábúendum þá eru upplifanirnar öðruvísi, einstaklega skemmtileg og fróðleg afþreying.

GEITALABB

Farðu í labbitúr um stórbrotið landslagið og lærðu meira um þessar einstöku skepnur.

Þessi upplifun tekur klukkustund og er frábær leið til að eiga stund með geitunum, teyma þær um sveitina og taka æðislegar myndir.

NÁTTÚRUGANGA MEÐ SAGNAÞUL

Vörður eru ævafornir vegvísar sem hjálpuðu ferðalöngum að rata. Margar þeirra leynast á landnámsjörðinni Gufuá og hefur Sigga eytt mörgum mánuðum í að lagfæra og rannsaka þær. Í þessari 2 tíma upplifun munum við fara yfir sögu þeirra og þjóðsagna sem þeim tengjast.

BÓKA UPPLIFUN

FÓLKIÐ

Ég heiti Sigga og ég hef stundað búskap með hesta, kindur og geitur í yfir 30 ár. Ég hef stundað nám í lífrænum landbúnaði við Landbúnaðarháskóla Íslands á Hvanneyri og lokið kennsluréttindanámi í vistrækt
(e. permaculture). Sjálfbærni og samspil milli manns og náttúru eru stór hluti af lífstíl mínum.
Ég hef mikinn metnað fyrir því að deila því sem ég hef lært með öðrum og sýna fram á að best er þegar allir hagnast - fólk, náttúra og dýr.

Meira um siggu

SMÁ FRÆGÐ OG FRAMI.

Við opnuðum fyrir upplifanirnar okkar sumarið 2020. Okkur til mikillar gleði voru viðtökurnar einstaklega jákvæðar, bæði frá gestum og fjölmiðlum. Við tókum saman nokkrar af þeim umfjöllunum sem okkur þótti vænst um, sem gefa góða mynd af því hvers er að vænta í upplifununum okkar, ásamt því að sýna hvað gestir okkar hafa að segja.

Flestar umfjallanirnar hér að neðan eru um Geitalabbið, en sú upplifun vakti langmesta athygli af þeim öllum. Það má með sanni segja að Geitalabbið hafi tekið yfir Ísland sumarið 2020!